Innanhúss aðstaða
Fyrsta flokks aðstaða fyrir þjálfun og leik fyrir bæði hunda og menn.
Hér verður boðið upp á fyrsta flokks aðstaða fyrir leik og þjálfun. Jákvæð upplifun fyrir bæði hunda og menn þar sem hugmyndarflugið er það eina sem mögulega setur takmörkin. Stakur tími á aðeins kr. 4.690
Salurinn er um 150 fm að stærð utan setustofu, með sérhönnuðu gólfi fyrir hunda. Gólfið er með sérstaklega góðu gripi, dempar högg og álag og hentar því vel fyrir hunda á öllum aldri. Á staðnum er setustofa og wc aðstaða. Speglar á 2 veggjum og ýmis afþreyingartæki til staðar. Einnig eru stólar, borð, nettenging og skjávarpi í boði fyrir viðburði. Lítil eldhúsinnrétting fyrir kaffiaðstöðu er væntanleg.
Aðstaðan er til leigu fyrir einstaklinga, hópa, hundaþjálfara, fund, keppnir, sýningarþjálfun, deildarsýningar og margt fl.
Verðskrá er væntanleg.
Alltaf gott veður, hlýtt, þurrt, öruggt og þægilegt.
Allar pantanir umfram staka tíma á Noona þá hafið samband.
Farin í hundana er einstök innanhúss aðstaða og sú fyrsta hér á landi opin fyrir alla hundeigendur. Eigandi er Sigríður Oddný Hrólfsdóttir og leiðir starfið með langa reynslu af þjálfun, fræðslu og hundahaldi.
Fyrir einkatíma eða námskeið hjá Siggu þá hafið samband
Í fyrsta sinn á Íslandi
Sérhönnuð inni aðstaða fyrir hundeigendur og hentar öllum hundum. Gólfið í salnum er sérhannað með tilliti til hreyfiþarfa hundsins með æskilegri fjöðrun til að minnka líkur á slysum. Hindranir fyrir þrautabrautir, leiki og fleira verða aðgengilegar til æfinga.
Bóka salinn
Hver er ég?
Farin í hundana byggir á reynslu, fræðslu og miklum áhuga á hundum og hundahaldi. Sigga hefur í gegnum tíðina átt bæði Schäfer- og Vorsteh-hunda og stundað með þeim fjölbreytta þjálfun, meðal annars hlýðni, spor og skotveiði.
Auk faglegrar þjálfunar hefur Sigga sótt ræktunarnámskeið, fjölmarga fyrirlestra og önnur námskeið. Sigga hefur í gegnum tíðina setið í stjórnum deilda innan HRFÍ og sinnt ýmsum sjálfboðastörfum. Markmiðið hjá Farin í hundana er að skapa góða aðstöðu og miðla þekkingu sem hjálpar hundum og eigendum þeirra að njóta samverunnar.
Sigga er einnig annar eigandi sérvöruverslunar hundeigandans Bendir ehf sem stofnuð var 2010.
Umgengnisreglur
Til að allir geti notið aðstöðunnar er mikilvægt að ganga vel um, bera ábyrgð á hundinum sínum og virða bókaðan tíma. Hér fyrir neðan eru helstu umgengnisreglurnar settar upp á einfaldan hátt.
Innifalið í leigu er salur, setustofa og wc aðstaða. Leigjandi hefur aðgang að leik- og þjálfunartækjum sem eru á staðnum. Skjávarpi, stólar og borð eru einnig til staðar en samráð þarf um notkun þeirra.
Hundar þurfa að vera bólusettir og reglulega ormahreinsaðir. Tíkur á lóðarí skulu vera í lóðabuxum nema annað hafi verið sérstaklega samþykkt vegna viðburðar, sýningar eða námskeiðs.
Ekki má fara inn í salinn á útiskóm eða skítugum skófatnaði. Nota skal hreina inniskó eða vera í sokkum. Blauta eða skítuga þófa þarf að þrífa áður en farið er inn og ekki má neyta matar eða drykkja í salnum.
Eigandi skal reyna eftir fremsta megni að láta hundinn losa sig áður en komið er inn. Ef slys verður þarf að hreinsa strax samkvæmt leiðbeiningum á staðnum. Þrifabúnaður er í merktum kassa og pokar með hundaskít eiga ekki að vera skildir eftir innandyra.
Hundar eiga ekki að vera uppi í sófum eða á stólum og passa þarf að þeir merki ekki húsgögn eða muni. Börn og hundar mega ekki vera skilin eftir eftirlitslaus í aðstöðunni.
Virða skal bókaðan tímaramma. Tíminn er 55 mínútur svo nægur tími sé til að koma hundi út og ganga frá áður en næsti aðili mætir. Ekki má fara inn á tíma aðila sem koma á eftir.
Slæm eða endurtekin umgengni getur leitt til sektar og í framhaldi banns við notkun aðstöðunnar. Farin í hundana áskilur sér rétt til að hafna leigu og, ef þörf krefur, færa eða fella niður bókun vegna viðburða í húsnæðinu.
